منتديات الشاعر السوري نزار قباني

أبيـات مـختـارة من قصيـدة الملحمـة العامرية لصاحبهـا فرعـون الشعـر

((( بـــسـم الله الرحمـن الرحيـم )))
ارجو اتثبيت


الحمد لله المعيـن والصلاة والسلام على رسوله الأميـن


أمّـا بعـد :

فقـد كانت عنّـدي قصيدة فرعون الشعر وشاعر الملاحم / نـاصر ابن محمد الفراعنـه .. اللي في قبيلـة سبيع وهي عباره عن 1000 بيـت وقد اسّـموهـا الناس ( الملحمـه العامريّـه ) وصراحه ما فضيت لها الا قبل كم يوم ففتحت دفتر نص والمقطع شغّـال وبديت اكتب الأبيـات معه واعذروني يالربع القصيده طويله مدّتهـا حوالي 50 دقيقه ووقتي ما يسمحلي لبعض الأشغال الي عندي فبديت اكتب من الدقيقه 20 يعني فيها ابيات رائعه يمكن ماسمعتها

وإليكم بعض ما اقتطفت منهـــا وارجع واعتذر منكـم ترا فيه بعض الأبيـات ما اسمعها زين لأن الصوت مهوب واضح فلذا تركتها ولم اكتبهـا ..

******************************

هذي يالربع معركه حصلت عندما غزا حاكم قطر بجيش جرّار على الخرمه ورنيه وما حولهـا طامعاً بالمكاسب ولكن شافوه السبور ونطحوه الزكور قبل يدخل ديارهم فعوّد وهو مكسور ومنهزم اشر هزيمه ويقدّر عدد القتلى من جيشه بـ 400 رجّـال غير القلايـع فسجّلهـا ابو فـارس بهذي الأبيات ..


وفي معركة ربع الأغر العظمـىيوم انكفت ريح الجنـوب شمـال
يومن من الجوزى حثاحيث الحصىتشعل تحت حذو الحصان اشعـال
جتنـا مزابيـر الجمـوع مغلّثـهيحسبون طق الخور طـق طبـال
وراحو وهم عقب المشان مشيّنـهوصـار الشريـده واحـدً مهتـال
يا معركه من دون سلّي مدّركـهتبادلـو فيهـا المنـايـا ابــدال
حاكم قطر جانـا يقـود جيوشـهو يحسبـن اسبيـع عـود خـلال
وشاف راعيهم يـلاوي مزهبـهمن فوق برهـان الجمـل زعّـال
بمقرّف المشعاب صـك ضلوعـهطاح الجمل طيحة طريـح سـلال
قال المشيّخ يـا جماعـه رايكـمفيمـا نبـي قولـو وكلّـن قـال
قال الحكيم اللـي صليـبً رايـهيالربـع شـدّو دامهـا تـرحـال
يالربـع قومـاً لافعـل راعيهـاوالله مـا تـقـرب ولا تنـطـال
قومً مثل ذولا بعيـداً ( غلبهـم )وتدويلهـم فـوق المهـار خبـال
مير افلحـو يالله عساهـا خيـرهتغانمـو درب النـجـاة عـجـال
قال المقرّد مـن فـوارس قومـهالا عليـهـم قـضّـةً واقـبـال
وجونا يبون المشرقه والمغربـهوحنّـا رحانـا تطحـن العـيّـال
لاكن ركز الشلف بيـن نحورهـمركز البيارق فـي دمـاث الجـال
ياليتهـم طاعـو شـور الشايـرما لبّسـو فـوق الجـداد سمـال


*****

وهذي يقصد بها ابو فـارس معركـة البــدع اللي بين بني عامر والعزّه من سبيع والأتـراك


وفي فتنة الحاير تطول اشنابهاقوماً وقوما مالهـا مزهـال
يومن جنود الترك تظرب دونّادق النثيـر ونـوّخ الحمّـال
لاكن شرايدهم شمال اللاجـهاوجال الظليم اللي حداه ظـلال


*****

وهذي الأبيات يشير فيها ابو فارس إلى معركة الحنـو اللي بين القريشـات من سبيـع وابن رشيد وربعه من شمّـر


والحنو يوم الحنو يوماً عالميأليا تعزوينـا عقـب مصـوال
نروح في سوق الفنا ونرخصهاصم الرمك من ظربنـا عيّـال


*****

وهذي الأبيات يقصد بها اهل العـــشـر


ونقرة سنام اللي شمال العارضعشر الركاب الداحمه الأغـوال
قوماً على ثـلاث آلافً عدّهـمقوماً لبن ثامر وابـن صـلال
ياما عثر في جمّعهم من طيّـبوخلّي على خد الثرى مظـوال


*****

وهذا البيت يشير به ابو فارس إلى مناخ السبيّـه الذي جلّـو من ديارهم الخوالـد من بعده


ويوم الدهنا منه الخوالد جلّيوقازين نجـدً منبتـاً وعبـال


*****
الأبيــات واضحـه ..!


لنا على الوديان سلّطـة دولـهيومـن كـلً دون حقّـه حــال
لنا من جرب لين هضبا ال زايـدومن خنثل إليا شامـخ الأقـذال
وجينا على العارض واخذنا ملحتهلاقـرب عـمً ولا قرابـة خـال
مـن البرابـك لتّريبـي حدّهـاوحجلان حدً مـا عليـه اشكـال
ومن جو ساقانً لخشـم العـاننرعى البكار المطربـات ألحـال
مايوم علّقنا على احـد العانـينرعى ديار الظـد غصبـاً غـال


*****


كفوفنا سقوا الغيوم ليا امطرتوسيوفنا السم الذحـاح نكـال
حنّا بني عامر سلايل صعصعهفالأصـل عدنانيّـة الأنسـال
لنا فالعصور الجاهليّه مسهـمعلى كل من طال وتطاول طال
حنّا سبيع اولاد عامر صعصعههاك الصميدع ضارب الأمثال
نرجع إلى اربع فروعاً وافيـهوشجر الكرام يطول ما ينطـال


*****


حنّا مدلّهـة القصيـر بظلّنـاماهوب ظل العوشزه مـذوال
قصيرنا في حلّته مـا دلّتـهكف الضديـد وكلّـة الأرزال
عاماً وشهرينً وعشرً فوقهنيامن بهن قلب الدخيل الـذال
واليا ظربنا واحدن ما يسلـمظربً على الهامه ودوس نعال
ماناخذ الصاحب على زلّاتـهنرفا من الجار القصير خمـال


*****


حنّا هل العرفا مقابيس البـلايوم الحمر يستفحل استفحـال
على الخوي ما ننجرف لحميّاحق الخوي ندوبلـه دوبـال
يرعى بذوده قبل ترعى اذوادنافالخايع المسهول والمرقـال
نندى ليا شحّت مجاويد العربفالدرب والطرقه والأستقبـال
اهل سفرةً تندى ليا شح الثرىوقول شلويها ينبـه الجهّـال


*****


في صحصح الجوفا نحوم الهيجاحومة حرارً في سمـا عيطـال
بالشلف و السمر البلنز المهّلكهونويفيعيّـاتً لهـن زلــزال
صلنا عليهم صولتن مخبـورهصولة سبـاعً داهمـن ظـلّال


*****


وفي يوم حوقان العظيم الجارييومً مزعـوج الدمـي وشّـال
تركً مخيطت النواظـر قدّمهـمرخم الجموع منوّخة الأصعـال
معهـم مقاديـم القبايـل قيّفـوبالماكري والمصمعـي شيّـال
لاكن ظرب الزار بين جموعهـمضرب ال فوس في محطبً سمّال
سلح البوارد درّجت من دورهـاللنـار قـاز وللشنـب فـتّـال


*****


ومناخ الرضيمه يوم صاح الصايحوالموت فـوق رماحنـا برغـال
من راس كل مصمّـلً ميرادهـاكما ورد ضميانـاً علـى سمّـال


*****

هنا يذّكـر بعض فرّيـس سبيع


حنّا سبيع اهل الحسام المحـلاما عام من عامً وهـل هـلال
منّا ليا عدّو شغاميـم العـربخيالـةً تضربّـهـا الأمـثـال
مثل ابن ضاري والعمى وقريمطوشبيبنا الدفّـار حامـي التـال
وابن مشاري وابن هملانً جريوعضيب والحظبي عما العيّـال
وابرق نفيشً هو وبـن قاعـدوابن العماني والصييفـي جـال
وعسّاف وصنيتان هو والأزمعربـعً علـى ورد القنـا ميّـال
هم وابن جفران وولـد الأدغـموابن شوّيه وربعً على ما قـال
وحجاب الأول ثم حجاب الثانـيما ضاع منهم حق لـو مثقـال
وزامل ابن سليم وابـن هديـدوالشيخ ابن قطنان طيب الفـال
وابن المليحي دغيّـمً هـو يّـاضرمان والروس الطوال طـوال
وابو شدق مسحون البلا في كفّهوابن جروه ليا كبـرت الأقـوال
وبجران هو والوايلي واللي معهاهل العشر في جيلنً جلتها جيال
وولد الكبودي ناصرً والجبـريوابن رميـزان وابـن مثقـال
ماجبـت ذولا حقـرةً فالباقـيلا والذي خـلا الدقـاق جـلال
نمـاذج استشهدبهـا لا اكثـروالعذر لاامتـد الكـلام وطـال
حيث ان سبيعً مثل ذولا واطيبقبيلـةً تسجـد لهـا الأبطـال
ما تنحصي فرسانها واعيانهـالاشـك للتأكـيـد بـالأقـوال


*****

وهنــا يتكلّـم ابو فـارس عن ( الوفـــــا وسبـيـع ) لأنهــا مقرونـه بعـض .


وعنـد الوفـى يامـا غلبنـا وافـيربـعً علـى سـرج العتـال عتـال
نطرب على فعل الوفـى مـن دانـييـوم الـردي عنهـا يجيـه ازجـال
(( مفـرّج المذكـور اكبـر شاهـدخـم ولـده بمصقّـلاً مـجـوال ))
(( ودون المخـوّه زاهـداً بالثـانـيويشهد عليه محمـد ومـا قـال ))
(( وعلي وما سوّا فبـن طوالـه ))الــروح تفـنـى والفـعـل لازال
(( وملحة الجربوع ناخـذ حقّهـا ))ماهـي علـوم الـزور والطهـبـال
{ واللي زبن قبـر الصييفـي خلّـيعليـه مـن ستـر الإلـه اسبـال }
( ويوم شلوي ظيـم الليالـي طقّـهجبنالـه الشـرف البكـار اشكـال )
قومـاً تخـاو مـع خطيـر الفرجـهخـوّة نقـا مـا جاوبـت لخـمـال
وسربتيـنً برقـن فــي سلبـهـمراحـن عشـا لذيـابـة الأسـهـال
عدّيـت عشريـنً صباحـاً وافـتـر(( وعسّاف لا يهـزم ولا ينطـال ))
وفي حومـة الهيجـا تكـود فعولنـالا دلدلـو حبـل الــدرق دلــدال
منّـا هـل الخطّيـن وقـتً ماضـيواللـي تعـدّا الخـط مالـه تــال
حنّا هل ( الـردّات ) واهـل الدجّـرهنـدوس المنايـا عنـد الأستـهـلال
ثـلاثـةً دون المظالـيـل ازمـعـودش الخطـر والقلـب لـه بـهـلال
يومن جيوشاً مـن الأعـادي قيّفـتجموع ارزمت مثـل الحـزوم ثقـال
وراع الأبـرق علـى وجـه الحسـامـا همّتـه تـركً عليهـا اوشـال
ومنـا هـل الجذعيـن لاعدمتـهـميــا روو دون الدخـيـل ســلال
(( ومنا ثمانـاً عدّهـا قبلـي فهـدنهـار عـدّا والرجـوم اطــوال ))
وما قال ابـن حثـلان ثبـتً للوفـاسوالـف لسبيـع حــرز وجــال
وحنّا مقر الجود من مـاض العهـدوفعـل النشامـا عيـن الأستـدلال
( منّا الكريم المكـرم ابـن جويريـهنبعً من الصافـي مهـوب غسـال )
(يسعى على خضر الجريد المطّـرقبالما على شعث السوانـي مـوال )
(وان بان نجم القيض سبّـل عينتـهللحضـر والـبـدوان والهـشّـال )
ومعشّي الشجر من لاسمع فيها اصقهيبيلـه مكبّـر صـوت واسترسـال
في ليلـةً هـز العجـاج غصونهـاوهـو مـن الدنيـا فقيـر الـحـال
يصرخ ببنتـه شوفـي اللـي جانـاقالت يبـه شفـت اعشـره وانغـال
فـزع وذبّـح للغـصـون معـيـدهويقـدّم صحونـه ســوا ولـحـال
(( ومنّا ابن قطنان نديـب المكرمـهبيتً عليه من الشحـم مـا هـال ))
سـوالـفً عدّيتـهـا وابديـتـهـامـانـي بمجـامـل ولامـجّـمـال
يطربلهـا ولـد الـكـرام مـعـرّبولّا تـراهـا تـزعـل الـدغـفـال
ماتزعـل الطيّـب وتزعـل غـيـرهسـلالـة الـخـبّـاز والـفــوّال
اقولهـا وانـا اللـذي مـن لابــهفيهـم حفظـت المـدح بالأمـثـال
اربّّهـا تبقـى مـسـار وذكــرىلامـرّت اجـيـالً تلتّـهـا اجـيـال
ومن قبل لاانسى يـا نديبـي عجّـلمـن دار ابويـه عجّـل الـروحـال
(( قوطر على الخرمه ونـوّخ فيهـاقدر ساعةً كنّـك علـى شيشـال ))
ثم مـد لأجـراس الذلـول وعدّهـا( وروجم حدر للرماح حـط رحـال )
( هذي الرسالـه لازم ان توصلهـاكافـة سبيـع شيبانهـا وعـيـال )
ياويش اسوّي في مصيـبً صابنـيواصبح صويب الساق مالـه صـال
لـي حصّـةً فـي حصّـةً ملمومـهمـن دونهـا حـصّـه ولا تنـطـال
عليهـا ليـا هبّـت ذعاذيـع الهـواسلامي ومـا نـش المحيـل خيـال
هـذا الكـلام اللـي يقولـه ناصـربـن محـمـد والرميـحـي تــال
فـي تـرثـة الـحـي الغضيّـانـيرجع كما رجّعت لأسدوهـا الأشبـال
( من لاد فرعـون مطاليـق اللحـامـن الزكـور مكمّلـة الأقــوال )
ولمنسـب سبيـع العزيـزه ينسـباهـل البيـوت اللـي رففهـا ثقـال
والخاتمـه مـا لاح بـرّاق الحـيـافـي مدّلهـم المـزن يـوم يسـال
ازكـى صـلاةً للنبـي الهاشـمـيمـا ناحـت الورقـا علـى الأمثـال
وما مال مشرقهـا علـى مغربهـاوماهـل عشّـاق علـى الأطــلال


***

واحـب ان انـوّه انّـه فيه وقعـات كثيـره ذكرهـا ابو فـارس في هذي الملحمـه الرائعـه ولكن لم يتسنّـى لي ان اكتبها لطول القصيده وطول وقتهـا

والغريب المحيّـر انّـهـا لم أخـذ حقّـهـا من النشـر مع العـلم انّهـا ( قصيده تعتبر من الملاحم الشعريّـه ) والتي يجب ان يحتفظ بها التاريـخ و ان تصل إلى كل سبيعي


عمومـــــاً حاولت ان اوفّـي ما علي وان اكتب لكم بعض ما جا فيها ، فبيّــض الله وجهك يا فرعون الشعـر ويا شارع الملاحم ويا شاعر مضـر على هذي الجزله الرائعه والتي تكتب مــــاء الذهــب

اتمنّـى مٍـن مَـن له علاقه بٍـأبو فـارس ان يبلغه تحياتي وشكري وان يحب خشمه وراسـه نيابةً عّـي

تحياتي وتقديــري .